Politika e Privatësisë

Operatori: AMA eSIM operohet nga Andi Rexhepi (sipërmarrës individual), i regjistruar në Republikën e Kosovës. Kontakti: [email protected] · [email protected].

Kjo politikë shpjegon çfarë të dhënash mbledhim, pse i mbledhim, me kë i ndajmë, sa kohë i ruajmë, dhe si mund t'i fshini.

1. Të dhënat që mbledhim

• Identifikim: emri, mbiemri, adresa e emailit.
• Numri i telefonit (opsional, për mbështetje dhe për WhatsApp).
• Historiku i blerjeve: pakot eSIM, datat, vendet, shumat.
• Identifikues i pajisjes / token i njoftimeve push (APNs/FCM).
• Të dhëna teknike: versioni i aplikacionit, modeli i pajisjes, sistemi operativ, IP-ja e regjistrimit dhe e hyrjes së fundit (e enkriptuar në bazën tonë).
• Identifikues të llogarisë sociale kur hyni me Apple ose Google (Apple `sub`, Google `sub`, refresh token i Apple — i enkriptuar).

Nuk mbledhim: lokacionin GPS, kontaktet, mikrofonin, të dhëna shëndetësore, asnjë identifikues reklamash (IDFA). Nuk ju ndjekim përtej aplikacionit tonë.

2. Si i përdorim

• Për të krijuar dhe administruar llogarinë tuaj.
• Për të procesuar pagesat dhe për të aktivizuar eSIM-et.
• Për t'ju dërguar konfirmime, kode QR aktivizimi, dhe lajmërime për gjendjen e paketës.
• Për t'ju dërguar njoftime promocionale vetëm nëse keni dhënë pëlqimin (mund t'i çaktivizoni në çdo kohë te Profili → Cilësimet → Njoftimet).
• Për të parandaluar mashtrimin dhe për të zbuluar përdorimin abuziv.
• Për të përmbushur detyrimet ligjore (kontabilitet, taksa).

3. Përpunuesit e palëve të treta

Ndajmë të dhëna minimale me partnerët në vijim, secili i detyruar me kontratë të mbajë të njëjtin nivel mbrojtjeje:

• OCS / TelcoVision (Zvicër) — ofruesi ynë i eSIM. Merr ICCID, IMSI, dhe metadata të paketës. Nuk merr emrin tuaj, emailin ose detajet e pagesës.
• RaiAccept (Kosovë) — proceson pagesat me kartë, Apple Pay dhe Google Pay. Asnjë e dhënë e kartës nuk ruhet në serverat tanë.
• Google Firebase Cloud Messaging (FCM) dhe Apple Push Notification service (APNs) — për dorëzimin e njoftimeve push.
• Brevo — për dërgimin e emaileve transaksionale (konfirmime porosish, eSIM tuaj, etj.).
• Cloudflare — CDN dhe siguri (proceson IP të kërkesave HTTPS).
• Hetzner (Gjermani) — strehimi i serverit tonë.

Nuk i shesim ose nuk i ndajmë të dhënat tuaja për qëllime marketingu të palëve të treta.

4. Ku i ruajmë

Të dhënat ruhen në bazën tonë në Hetzner (Gjermani — BE/SHEE). Të dhënat e ndjeshme (token-et e Apple, IP-të, telefoni i faturimit) ruhen të enkriptuara me AES-256.

5. Sa kohë i ruajmë

• Llogaria juaj: derisa ta fshini ose 3 vite pa aktivitet.
• Faturat dhe porositë (anonimuara): 7 vite, sipas ligjit fiskal të BE/Kosovës.
• Kopjet e sigurisë (backup): deri në 30 ditë.
• Logjet e sigurisë: deri në 90 ditë.

6. Të drejtat tuaja

Ju keni të drejtën të:

• Aksesoni të dhënat tuaja (në app: Profili → Cilësimet → Eksporto të dhënat).
• Korrigjoni ose përditësoni të dhënat e profilit.
• Fshini llogarinë tuaj menjëherë (në app: Profili → Cilësimet → Fshi llogarinë). Të dhënat personale fshihen menjëherë; të dhënat e faturimit ruhen të anonimuara për 7 vite siç kërkohet me ligj. Për përdoruesit me Apple Sign-In, lidhja me Apple revokohet nëpërmjet endpoint-it `/auth/revoke` të Apple.
• Tërhiqni pëlqimin për njoftimet promocionale në çdo kohë.
• Bartni të dhënat tuaja (export në JSON me një klikim).

Për kërkesa specifike: [email protected]. Përgjigjemi brenda 30 ditëve.

7. Fëmijët

AMA eSIM nuk është për fëmijët nën moshën 13 vjeç. Nëse mësojmë se kemi mbledhur të dhëna nga një fëmijë nën këtë moshë, do t'i fshijmë menjëherë.

8. Ndryshimet në këtë politikë

Çdo ndryshim material do të publikohet këtu dhe do të njoftohet me email përdoruesit aktivë të paktën 30 ditë para se të hyjë në fuqi.